Som småbarnsfar møter eg jamt og trutt skikkelsane Ole Brum og Svarteper. Er vi i ferd med å møte liknande skikkelsar i dagens norske samfunn?

Høyrt den før ja? Det har eg og. ”Ungdommen no til dags” – eit mykje brukt uttrykk, gjennom lange tider, men kva legg vi eigentleg i det? Då eg var ung, vart det som oftast tolka negativt. ”Ungdommen no til dags, dei er jo heilt ubrukelege”. Det er lett å tru det, også om dagens ungdom.

Eg sit og koser meg med artiklar på driftig.no om Ungt Entreprenørskap denne fredags morgonen. Eg les at det nyttar, det vert fleire bedrifter, dei som er involvert syns det er kjekt og Sogn og Fjordane ligg skyhøgt over landsgjennomsnittet i antal elevbedrifter! Kor bra er ikkje det?