Ei veke om hausten er alltid spesiell for meg. Då kjem spenndane høgdepunkt på rekke og rad. Hjortejakt, sauesanking og kundeundersøking. Ja det er reine julekvelden for meg – ei heil veke. Sauesankinga gjekk bra, det gjekk heller så som så med hjortejakta. Men det som gav meg den store oppturen er likevel resultata frå den årlege kundeundersøkinga.

Som småbarnsfar møter eg jamt og trutt skikkelsane Ole Brum og Svarteper. Er vi i ferd med å møte liknande skikkelsar i dagens norske samfunn?

Målet er 1338 meter over havet. Først må ein opp gardstun og skogsveg. Så over moltene på myra. Deretter berg og ur. Bratt og ulent. Blodslit og mjølkesyre. Men det er verdt det. For det er den herlege kjensla på toppen ein er ute etter. Ja, det blir litt slik som Tine. Må ha det – berre må ha det. 

    Sogn og Fjordane er svært sjeldan synlege når næringslivet har kåringar om størst, fyrst eller best.  Difor gledar det meg stort at vi i BI og DN si kåring av ”årets unge leiar” finn vår eigen Hallvard Klakegg.  Profesjonelt leiarskap er sjølve grunnlaget for utvikling og vekst uavhengig av bransje.  For oss har dette hatt sterkt fokus i lang tid og det er difor ein viktig siger at vi og fylket viser igjen også i slike kåringar.    

Eg vart svært glad og stolt då eg før helga såg den siste bankkåringa til Norsk Familieøkonomi. Kvart år vurderer denne forbrukarorganisasjonen alle bankar i Norge når det gjeld vilkår på bustadlån, brukskonto, høgrentekonto og BSU. I skarp konkurranse med 125 bankar vart Sparebanken Sogn og Fjordane den 12.beste totalbanken i landet. Når det gjeld bustadlån på ein million kroner  er vi den 5. beste i kåringa. Alt i alt er vi den beste sparebanken på Vestlandet!