Det var med stor glede eg fekk meldinga om at eg hadde motteke Furorestipend i fjor haust. Det siste året har i hovudsak gått med til å produsere ein 3 minutt lang animert kortfilm, Klovesteinen, inspirert av ei segn frå Førdeområdet. Det har vore ei utfordring å vere teamleiar, men det har vore ei spanande og lœrerik oppleving. Dei tre sunnfjordjentene i feletrioen Pretiosa har komponert musikken som akkompagnerer bileta som eg og resten av gjengen i England har kokt ihop.

Etter å ha gjennomført 3 år på Norges Toppidrettsgymnas på Lillehammer i fjor, sende eg ein søknad til sparebanken med eit lite håp om å få Furore Stipend. Beskjeden om at eg var den som vann 100.000 kr, var heilt fantastisk. Eg sat i Polen, akkurat ferdig med ei offisiell trening, dagen før nokon COC (kontinentalcup) konkurransar der. Følelsen i kroppen var heilt utruleg god og eg vann begge konkurransane den helga.

Det er få ting som gjer meg så stolt av å kome frå Sogn og Fjordane som når nokon herifrå presterer blant dei beste i verda. Det er nesten same kva “grein” det er snakk om, design, kunst, kultur eller idrett. Det er så flott når nokon herifrå greier å skape ei kollektiv stoltheit som vaskar vekk fogderi og kommunegrenser.

Vi fekk inn nesten 250 søkarar til Furorestipenda. Tilbakemeldingane frå juryen er at det vore utruleg kjekt å få eit innblikk i alt dette fantastiske talentet som finst i Sogn og Fjordane. Vinnaren av den gjevaste prisen på 100.000,- var hopparen Anders Fannemel frå Hornindal. Vi blir ikkje overraska om vi ser dette ski-talentet i OL om fire år, og er spent på å følgje vegen hans vidare. Det var sogningar som stakk av med alle dei tre stipenda på 50.000,- og felespelaren Erlend Apneseth vann publikumsprisen med god margin.

Midt i øvinga på Barratt Due Musikkinstitutt ringte telefonen, og eg fekk eit sjokk. Eg hadde fått det gjævaste Furorestipendet på 100.000,- av Sparebanken Sogn og Fjordane! Søknaden til stipendet hadde eg nesten gløymt, det var jo berre ein av fleire eg sendte ut for å kunne fortsette med det eg har aller mest lyst å drive med, nemleg fiolin.

Laurdag 30. oktober er det Furorestipendutdeling i Florø. Ein kjekk kveld der vi deler ut Furorestipend på til saman 300.000 kronar. I løpet av kvelden skal også publikum få sjansen til å stemme fram sin favoritt. Avstemminga vil skje pr. SMS under sjølve utdelinga og vinnaren av publikumsprisen vil få 10.000,- i ekstra stipend. Vi har tatt ein nærare titt på dei fem kandidatane til publikumsprisen:

Å vinne Furore-stipendet på 50.000,- i fjor og vite at eg kunne bruke desse pengane på å vidareutvikle meg og få oppleve mykje med dansen – det var stort. Etter eg mottok telefonen om at eg hadde fått stipendet var det nettopp dette som svirra rundt i hovudet mitt. Kva ville eg oppleve framover? Kor ville pengane føre meg? Kva dører ville dei opne? Å vite at eg framover ville ha eit stort beløp pengar å bruke var eit stort privilegium og ei lette. Det skapte også ei viss kjensle av ansvar og forhåpningar. No gjaldt det å finne dei riktige [...]

I juni lyfta eg på junior verdsmeisterskapet i vektlyfting i Bulgaria. Her rykka eg 159 kg, støyta 186 kg og gjorde 345 kg samanlagt. Med dette tok eg dei nordiske juniorrekordane i rykk og samanlagt, støyten har eg sjølv frå tidlegare. Dette var også kravet til elitepremien, Noregs vektlyftar forbund si høgaste utmerking . Elles fekk eg 8 plass i rykk, 12 plass i støyt og 11 plass samanlagt av 21 deltakarar. 2006 var sist gong Noreg hadde med ein deltakar på Junior VM.

I fjor presenterte eg mine første møblar på verdas største og viktigaste møbelmesse i Milano. Eg var heldig og mottok Furorestipend på kr 10.000,- til denne satsinga.

I haust var eg ein av dei heldige mottakarane av Furorestipendet. Då eg søkte på stipendet, hadde eg akkurat tatt til på siste året av min Mastergrad i Industridesign, og slutten på eit fem års langt studium var rett rundt hjørnet. No, eit halvt år seinare, har eg akkurat levert frå meg diplomoppgåva mi, og då eg vart beden om å skrive eit innlegg her og fortelje litt om kva som har skjedd sidan sist, var det noko eg gledeleg tok på meg.